Takim pune i ministrit të Kulturës, Ademi me ambasadorin izraelit, Orijan
Четврток, 08 Ноември 2018 15:31
Ministri i Kulturës, Asaf Ademi, sot ka zhvilluar takim pune me ambasadorin e Izraelit, Dan Orijan, ku u diskutua për bashkëpunimin e deritanishëm në sferën e kulturës ndërmjet dy vendeve mike, por edhe për projektet e reja që do të zhvillohen në periudhën në vijim. Në këtë takim u veçuan lidhjet e mira kulturore që i kultivojnë Izraeli dhe Republika e Maqedonisë e që kanë rezultuar me realizimin e shumë projekteve nga të gjitha fushat e kulturës ...
Në këtë takim u theksua se në rrjedhë e sipër është procedura për harmonizimin e programit të posaçëm për bashkëpunim kulturor, me çka mund të intesifikohet komunikimi ndërmjet institucioneve të të dyja shteteve.
Në kontekst të shkëmbimit cilësor të projekteve dhe artistëve, u theksua se gjatë viteve të kaluara janë zhvilluar vizita të artistëve të shquar nga Izraeli, por se edhe artistë nga Maqedonia kanë marrë pjesë në Izrael.