Ministri i Kulturës, Ademi në shënimin e Ditës Botërore të gjuhës rome
Петок, 09 Ноември 2018 12:18
Sot në Qeverinë e Republikës së Maqedonisë u mbajt solemnitet me rastin e shënimit të 5 Nëntori-Ditës Botërore të gjuhës rome. Në këtë solemnitet fjalë rasti ka mbajtur edhe ministri i Kulturës, Asaf Ademi ...
“Shënimi i kësaj dite paraqet hap të rëndësishëm në ruajtjen, zhvillimin dhe afirmimin e gjuhës rome. Ajo paraqet pjesën e pandashme të identitetit të komunitetit rom, e cila bashkë me kulturën e pasur, janë pjesë e historisë së vendeve të rajonit.
Në këtë kontekst dua të them se një nga përkushtimet e Mistrisë së Kulturës është pikërisht kultivimi dhe avancimi i traditës dhe kulturës së të gjithë popujve që jetojnë në Republikën e Maqedonisë, përfshirë edhe komunitetin rom, edhe atë duke krijuar kushte për ruajtjen e identitetit të tyre nacional dhe kulturor”, theksoi ministri i Kulturës, Ademi.
Ai para të pranishmëve i ka theksuar edhe përpjekjet e Ministrisë së Kulturës për përkrahjen e të gjitha aktiviteteve dhe projekteve në kuadër të Programit Vjetor me interes nacional që kanë të bëjnë me kultivimin e kulturës së romëve në Republikën e Maqedonisë.
Fjalime para të pranishmëve mbajtën edhe Zoran Zaev, kryeministër i Qeverisë së Republikës së Maqedonisë, Arbër Ademi, ministër i Arsimit dhe Shkencës, Samka Ibraimoski, deputet në Kuvendin e RM-së, s dhe Velko Kajtazi, deputet në Kuvendin e Republikës së Kroacisë.