Ministri i Kulturës, Asaf Ademi, mbrëmë ishte i pranishëm në Filarmoninë e Maqedonisë dhe mbajti fjalë rasti para koncertit me rastin e shënimit të jubileut 70 vjeçar nga themelimi i Ansamblit të Këngëve dhe Valleve Popullore Shqiptare “Emin Duraku” ...
Në fjalimin e tij ministri Ademi, duke uruar këtë jubile të rëndësishëm, para të pranishmëve theksoi se ky koncert paraqet dëshmi për historinë, traditën dhe kulturën shumëvjeçare të popullit shqiptar në këto territore.
Ansambli “Emin Duraku" gjatë këtyre viteve, 70 vite të ekzistimit, me paraqitjet e veta ishte prezantues i denjë i këngës dhe valles popullore shqiptare gjithandej nëpër botë.