Концерт на Ансамблот на албански народни ора и песни во Република Македонија
Четврток, 29 Ноември 2018 12:57
Министерот Асаф Адеми синоќа во Домот на Армијата на Република Македонија присуствуваше на првиот концерт на новоформираната национална установа Ансамбл на албански народни ора и песни во Република Македонија ...
Пред почетокот на концертот, министерот Адеми во своето обраќање пред многубројните гости истакна дека формирањето на овој професионален ансамбл е само уште една потврда за грижата во негувањето на играорната, вокалната и вокално-инструменталната фолклорна традиција на албанската заедница во Република Македонија.
Воедно, тој го изрази своето уверување дека Ансамблот и во иднина ќе биде достоен репрезент на албанскиот фолклор, традиција и култура не само во земјата туку и во светот.
Установата „Ансаблс на албански народни ора и песни во Република Македонија“ е формирана во март годинава.