Среда (02.11.2016 година) во Битола ...
Министерката за култура Елизабета Канческа-Милевска утре (3 ноември) во Битола ќе се обрати на свеченото отворање на четвртата по ред светска конференција за религиски и меѓуцивилизациски дијалог. Централна тема на конференцијата оваа година е „Миграцијата и предизвикот на интеграцијата преку дијалог помеѓу религиите и културите“, едно особено актуелно прашање во контекст на интензивната миграција која денес ја менува физиономијата на земјината топка.
На конференцијата свои обраќања за различни аспекти на централната тема и останатите поттеми ќе имаат г. Петар, митрополит преспанско-пелагониски и администратор австралиски и новозеландски, потоа д-р Кирил Стојанов, Бискуп скопски и апостолски егзарх, Берта Романо-Николиќ, претседател на Еврејската заедница на Македонија и многу други етаблирани експерти и истражувачи од Република Македонија.