„Каде е пиштолот?“- нова премиера на Охридски театар

На сцената на Народниот театар во Охрид вечерва (28 декември), со почеток во 20:00 часот премиерно ќе биде изведена претставата „Каде е пиштолот?“  од унгарскиот автор Габор Ѓоргеј, а во режија на Дејана Николовска ...

Ohrid

„Каде е пиштолот?“ е модерен сатиричен текст со силна егзистенцијалистичка позадина, создаден во седумдесеттите години од минатиот век. Во својата срж текстот се занимава со човековата дуална природа, играјќи помеѓу позициите на опресор и потчинет низ петте ликови кои го носат дејствието.

Во претставата играат: Горан Стојаноски, Никола Тодороски, Адријана Билаловиќ Тодороска, Ивица Цонев, Стрезо Стаматовски. Сценограф, костимограф и дизајн на светло е Милена Пантелеева, музиката е на Гаро Ашикјан, кореографијата на Асја Иванова, а драматург е Кристина Тодороска Петреска.