„Архангел“ и „Галија“ ќе го отворат годинашниот Вевчански карневал
Рок-групите „Архангел“ и „ Галија“, како и познати диџеи, ќе бидат дел од програмата на Вевчанскиот карневал што ќе се одржи од 12 до 14 јануари во Вевчани ...
Во рамките на карневалската манифестација, на 12 јануари се предвидени културно-уметничка работилница и настапи на македонската рок-група „Архангел“ и на српската „Галија“, а во ноќните часови присутните ќе ги забавува познат диџеј.
На Стара нова година вевчанци и посетителите ќе ги забавуваат „Кате и Нели ти реков“, „Баклава“, „Џубокс бенд“ и оркестар со зурли и тапани.
Деталите околу организацијата на Вечанскиот карневал ќе бидат соопштени на денешната прес-конференција.
Инаку, карневалот кој е вековна традиција во Вевчани, почнува со традиционално карневалско дефиле под маски напладне на 13 јануари, а следниот ден маските се палат во центарот на Вевчани, со што завршува манифестацијата.
