Filmi i Maqedonisë me metrazh të shkurtër “Blacky and Faulty” fitoi çmim në Festivalin e Rumanisë
Filmi i Maqedonisë me metrazh të shkurtër “Blacky and Faulty” i Marko Xhambazoski ka fituar mirënjohje në festivalin rumun „12 Months Film Festival“ që mbahet në Kluzh-Napoka. Ky film është shpërblyer në dy kategori, edhe atë: “Çmimi i publikut” dhe “Producenti i muajit”...
Ky film, që deri më tani është shfaqur në shumë festivale filmi në botë, është komedi maqedonase me regji të Marko Xhambazoski, i cili njëherësh është edhe skenarist dhe montazher i filmit, producent ekzekutiv është Boshko Mangarovski, Marko Dimitrievski është drejtor i fotografisë, ndërsa rolet kryesore i luajnë: Goran Nikov, Toni Denkovski, Çedomor Mitevski, Erdoan Maksut, Mirjana Tërpkovska dhe të tjerë. Filmi është në produksion të Fakultetit të Arteve Dramatike– Shkup.
